Category Archives: Ċirkularijiet

Kampjuni u eżerċizzji ta’ kitbiet qosra bil-Malti għall-Primarja

Posted on by

Fuq talba ta’ għadd ta’ għalliema, inħadmu kampjuni, eżerċizzji u għajnuniet ta’ ġeneri differenti ta’ kitba qasira għar-Raba’ u l-Ħames Sena tal-Primarja. Dawn ittellgħu fis-sit tagħna.

Tar-Raba’ Sena ssibuhom hawnhekk, u tal-Ħames Sena qegħdin hawnhekk.

Il-ġeneri tal-kitba huma:

  • avviż
  • informazzjoni personali
  • kapxin
  • messaġġ
  • riklam
  • slowgan
  • intervista

Mal-eżerċizzji u l-kampjuni hemm ukoll tagħrifiet għall-għalliema f’għamla ta’ preżentazzjoni (ppt). Issibu wkoll żewġ pakketti ta’ eżerċizzji b’ġeneri ta’ kitbiet imħallta marbuta ma’ żewġ temi għal kull sena.

Inroddu ħajr lill-Uffiċjal Edukattiv tal-Primarja s-Sa Jane Farrugia Buhagiar tal-kontribut magħha f’dan il-qasam.

Ara ċ-ċirkulari minn hawn.

Kwestjonarju fuq is-Sillabu tal-Ewwel Sena Sekondarja (Kompetenzi Ewlenin)

Posted on by

Il-Kapijiet tal-Iskejjel huma ġentilment mitluba jgħaddu din iċ-ċirkulari u dan il-kwestjonarju lill-għalliema tal-Malti li jgħallmu lill-istudenti tal-Ewwel Sena tas-Sekondarja li qed isegwu l-Programm tal-Kompetenzi Ewlenin (Livelli 4 u 5).

L-għalliema huma mħeġġa jimlew il-kwestjonarju u jibagħtuh lis-Sur David Muscat, Uffiċjal Edukattiv tal-Malti bil-posta f’dan l-indirizz:

Iċ-Ċentru tal-Kurrikulu
Kamra 16
Triq Sarria
Il-Furjana FRN 1460

Jistgħu jibagħtuh ukoll bil-posta elettronika f’dan l-indirizz.

Il-kwestjonarji mimlija u xi suġġerimenti oħra għandhom jintbagħtu sal-Erbgħa, 3 ta’ Lulju 2013.

Taħdita fuq il-kitba tal-vokali ‘i’ fil-Malti

Posted on by

Inħeġġu lill-għalliema kollha biex jattendu għal taħdita interessanti fuq il-vokali ‘i’ fil-bidu ta’ kliem Rumanz fil-Malti.

It-taħdita se ssir it-Tlieta, 21 ta’ Mejju 2013 mill-5pm sas-6pm fiċ-Ċentru Nazzjonali tal-Kurrikulu (NCC), il-Ħamrun, u se tingħata mis-Sur Reno Fenech.

Tagħrif ieħor fuq it-taħdita ssibu minn din iċ-ċirkulari u minn din it-tagħrifa.