Filmat ġdid fuq il-ħajja ta’ Dun Karm Psaila – Il-Poeta Nazzjonali, maħdum mis-Sur Adrian Vella, Għalliem tal-Malti. Jista’ jintuża għal Jum Dun Karm – id-19 ta’ Ottubru 2026.
Dizzjunarju Malti online għall-użu ta’ kulħadd.
Dizzjunarju.mt hu d-dizzjunarju nazzjonali diġitali tal-Malti li qed jinbena mid-Dipartiment tal-Malti fl-Università ta’ Malta bħala riżorsa ta’ referenza awtorevoli, moderna u aċċessibbli minn kulħadd mingħajr ħlas.
Merħba għas-Sena Skolastika 2026–2027!
Id-Dipartiment tal-Malti fi ħdan il-Ministeru għall-Edukazzjoni jawgura lill-istudenti kollha sena skolastika mimlija tagħlim, suċċess u esperjenzi sbieħ.
Nistednukom tkomplu tkunu kurjużi, dedikati u kburin bil-lingwa Maltija, li hija parti importanti mill-identità u l-kultura tagħna.
Inwegħdukom l-appoġġ u l-għajnuna kollha meħtieġa biex tkomplu tiżviluppaw il-ħiliet u t-talenti tagħkom.
Nawgurawlkom sena skolastika mill-isbaħ!
Nawgurawlkom sena skolastika mill-isbaħ u mimlija suċċess!
Kampjun ta’ Skema ta’ Xogħol u riżorsi għall-Ħames Sena tal-Primarja
Riżorsi marbuta mal-Kors t’Aġġornament għall-Ħames Sena tal-Primarja għas-Sena Skolastika 2025-2026
Matul il-Kors t’Aġġornament għall-Ħames Sena tal-Primarja, l-għalliema tar-Riżorsi tal-Malti tat taħdita dwar ir-riżorsi tal-Malti kif ukoll uriet kampjun ta’ skema ta’ xogħol bit-tema tal-Festi u Tradizzjonijiet fil-Kalendarju Malti u r-riżorsi marbuta miegħu. Nirringrazzjaw lil Josette Baldacchino li ħejjiet dawn ir-riżorsi.
Kampjuni tal-Ġeneri tal-Kitba għas-Sekondarja
Kampjuni tal-Ġeneri tal-Kitba għad-disa’, l-għaxar u l-ħdax-il sena. Dawn jinkludu l-pjanijiet tal-kitba. Nirringrazzjaw lil Josette Baldacchino li ħejjiet dawn ir-riżorsi.
