Merħba fis-Sit malti.skola.edu.mt

Featured

Posted on by



Il-ħsieb ewlieni ta’ dan is-sit huwa li jaqdi lill-għalliema tal-kinder, tal-primarja  u tas-sekondarja fit-tagħlim tal-ilsien sabiħ tagħna u jgħin lill-ġenituri u lill-istudenti jitgħallmu u jieħdu gost bil-lingwa tagħna. Għaldaqstant, jekk għandek xi mistoqsija fuq il-Malti, tista’ tibgħathielna. Jekk, mill-banda l-oħra, għandek xi riżorsi għat-tagħlim tal-Malti u tixtieq taqsamhom magħna, ibgħathomlna, u dawn jitilgħu fis-sit f’ismek.

Dejjem tagħkom,

Carlston Grima, Doreen Coleiro, George Mifsud u Stefan Borg

Uffiċjali Edukattivi tal-Malti

Mixjet il-Malti – minn Caxaro sa Aquilina mill-20 ta’ April 2026 sal-24 ta’ April 2026 fil-Biblijoteka Nazzjonali

Posted on by

It-Taqsima tal-Malti tad Direttorat għall-Programmi ta’ Tagħlim u Assessjar bi sħab mal-Bibljoteka Nazzjonali ta’ Malta ser torganizza attività interattiva ta’ riċerka għall-istudenti tad-disa’ sena tas-sekondarja bl-isem Mixjet il-Malti – Minn Caxaro sa Aquilina.

Din l-attività hija marbuta mas-sillabu tal-Malti għall-istudenti tad-disa’ sena. Barra minn hekk toffri opportunità lill-istudenti li jżuru l-Bibljoteka Nazzjonali u japprezzaw it-teżori stampati li hemm merfugħa fiha.

Preżentazzjoni Informattiva

Prezentazzjoni FaccataPreżentazzjoni dwar uħud mix-xogħlijiet u l-personaġġi ewlenin li ħadmu għall-iżvilupp tal-Malti tul is-sekli.

Materjal edukattiv li se jitqassam lill-Istudenti waqt iż-żjara. 

Ktejjeb tat-Taħriġ Ktejjeb bir-Risposti Ktejjeb bit-Tagħrif

Ħajr lil J. Buttigieg, P. Gatt, H. F. Gauci, C. Grima, I. Vella, Raisa Xuereb, tal-kontribut tagħhom fit-tħejjija tal-ktejjeb Mixjet il-Malti – Minn Caxaro sa Aquilina.

Karti tat-Taħriġ Karti bir-Risposti

Fil-paġna tat-Taħdit tad-Disa’ Sena wieħed jista’ jsib informazzjoni u taħriġ dwar personaġġi Maltin li taw kontribut siewi biex il-Malti jiżviluppa, ikun irrispettat u rikonoxxut bħala l-lingwa nazzjonali tagħna.

Taħriġ tas-Smigħ għall-Ħdax-il Sena

Posted on by

Siltiet bit-Taħriġ imħejjija għall-Fehim mis-Smigħ u mmirati għall-istudenti tal-Ħdax-il Sena.  Kull taħriġ jinkludi s-silta moqrija, il-karta tat-taħriġ għall-istudenti u l-karta tal-għalliema bir-risposti.

1. Dun Pino Puglisi – Qassis li sfida ’l-Mafja bi tbissima.

Isma’ s-silta’: Dun Pino Puglisi – Qassis li sfida ’l-Mafja bi tbissima.
Il-Karti tat-Taħriġ – Il-Karta tal-Istudent (PDF / DOCX)
Il-Karta tal-Għalliem (PDF / DOCX)

2. Malta u t-Tħaffir għaż-Żejt

Isma’ s-silta: Malta u t-Tħaffir għaż-Żejt
Il-Karti tat-Taħriġ – Il-Karta tal-Istudent (PDF / DOCX)
Il-Karta tal-Għalliem (PDF / DOCX)

3. Qatt Aktar

Isma’ s-silta: Qatt Aktar
Il-Karti tat-Taħriġ – Il-Karta tal-Istudent (PDF / DOCX)
Il-Karta tal-Għalliem (PDF / DOCX)

4. Jarmuk – Kap 6 (Lughermo, S. (2018). Malta: Horizons)

Isma’ s-silta: (Jarmuk Kap 6)
Il-Karti tat-Taħriġ – Il-Karta tal-Istudent (PDF / DOCX)
Il-Karta tal-Għalliem (PDF / DOCX)

5. Il-Ferħ (Bartolo, S. (2010) kliem ir-riħ, Malta: Klabb Kotba Maltin.)

Isma’ s-silta: Il-Ferħ
Karti tat-Taħriġ – Il-Karta tal-Istudent (PDF / DOCX)
Karta tal-Għalliem (PDF / DOCX)

6. L-Eċċezzjoni (Żahra, Trevor, (2018). 365. Malta: Merlin Publishers)

Isma’ s-silta: L-Eċċezzjoni
Karti tat-Taħriġ – Il-Karta tal-Istudent (PDF / DOCX)
Karta tal-Għalliem (PDF / DOCX)

 

Aktar taħriġ tas-Smigħ jinsab fil-paġna Il-Ħames Sena Sekondarja – Smigħ

(L-ideat u l-opinjonijiet espressi mill-awturi f’dawn is-siltiet bl-ebda mod ma jirriflettu l-opinjoni jew t-twemmin tad-Dipartiment tal-Malti iżda ntgħażlu biss għal skop ta’ taħriġ lingwistiku fis-sens wiesa’ tiegħu.)

Il-Malti fl-Istorja – Attività Kurrikulari għall-istudenti tas-7 sena

Posted on by

Id-Dipartiment tal-Malti fi ħdan id-Direttorat għas-Snin Bikrin, Lingwi u Studji Umanistiċi flimkien ma’ Heritage Malta, qed jerġa’ jippreżenta numru ta’ sessjonijiet bl-isem ta’ Il-Malti fl-Istorja għallistudenti tas-seba’ sena fl-iskejjel Medji b’rabta mal-kisbiet li nsibu fis-sillabu tal-Malti fejn tidħol ilħila fit-taħdit dwar tema kulturali. Il-Malti fl-Istorja hi attività msejsa fuq metodoloġija ta’ tagħlim interattiv u tinstiga motivazzjoni intrinsika fost l-istudenti billi tuża b’mod sħiħ l-ambjent u l-materjal uniku li joffri l-Mużew tal-Etnografija fil-Palazz tal-Inkwiżitur, il-Birgu.

Għal aktar tagħrif ara ċ-ċirkulari: DELH087/2025