Riżorsi marbuta mal-Kors t’Aġġornament għall-Ħames Sena tal-Primarja għas-Sena Skolastika 2025-2026
Matul il-Kors t’Aġġornament għall-Ħames Sena tal-Primarja, l-għalliema tar-Riżorsi tal-Malti tat taħdita dwar ir-riżorsi tal-Malti kif ukoll uriet kampjun ta’ skema ta’ xogħol bit-tema tal-Festi u Tradizzjonijiet fil-Kalendarju Malti u r-riżorsi marbuta miegħu. Nirringrazzjaw lil Josette Baldacchino li ħejjiet dawn ir-riżorsi.
Kampjuni tal-Ġeneri tal-Kitba għad-disa’, l-għaxar u l-ħdax-il sena. Dawn jinkludu l-pjanijiet tal-kitba. Nirringrazzjaw lil Josette Baldacchino li ħejjiet dawn ir-riżorsi.
Id-Dipartiment tal-Malti fi ħdan id-Direttorat għas-Snin Bikrin, Lingwi u Studji Umanistiċi flimkien maċ-Ċentru tal-Ilsien Maltise organizza attività li fiha l-poeżija Ħitan tas-Sejjieħ ta’ Marjanu Vella kienet animata u interpretata mir-rapper Malti Il-Lapes. Għal din is-sena skolastika, din l-attività saret fl-iskejjel sekondarji ta’ ħames kulleġġi differenti.
Dan il-proġett huwa wieħed minn għadd ta’ inizjattivi li t-Taqsima tal-Malti fid-Direttorat għas-Snin Bikrin, Lingwi u Studji Umanistiċi fi ħdan id-Dipartiment tal-Kurrikulu ħadet f’dawn l-aħħar xhur. Din l-inizjattiva torbot ma’ inizjattivi oħra li għandhom l-għan li l-letteratura tingħaqad ma’ forom oħra ta’ arti u hekk tkun apprezzata aktar mill-istudenti.
It-Taqsima tal-Malti tad Direttorat għall-Programmi ta’ Tagħlim u Assessjar bi sħab mal-Bibljoteka Nazzjonali ta’ Malta ser torganizza attività interattiva ta’ riċerka għall-istudenti tad-disa’ sena tas-sekondarja bl-isem Mixjet il-Malti – Minn Caxaro sa Aquilina.
Din l-attività hija marbuta mas-sillabu tal-Malti għall-istudenti tad-disa’ sena. Barra minn hekk toffri opportunità lill-istudenti li jżuru l-Bibljoteka Nazzjonali u japprezzaw it-teżori stampati li hemm merfugħa fiha.
Preżentazzjoni dwar uħud mix-xogħlijiet u l-personaġġi ewlenin li ħadmu għall-iżvilupp tal-Malti tul is-sekli.
| Ktejjeb tat-Taħriġ | Ktejjeb bir-Risposti | Ktejjeb bit-Tagħrif |
 |
 |
 |
Ħajr lil J. Buttigieg, P. Gatt, H. F. Gauci, C. Grima, I. Vella, Raisa Xuereb, tal-kontribut tagħhom fit-tħejjija tal-ktejjeb Mixjet il-Malti – Minn Caxaro sa Aquilina.
| Karti tat-Taħriġ | Karti bir-Risposti |
 |
 |
Fil-paġna tat-Taħdit tad-Disa’ Sena wieħed jista’ jsib informazzjoni u taħriġ dwar personaġġi Maltin li taw kontribut siewi biex il-Malti jiżviluppa, ikun irrispettat u rikonoxxut bħala l-lingwa nazzjonali tagħna.
Għal aktar filmati bil-Malti żur il-paġna Filmati.
