Nistednukom tattendu għal taħdita li se jagħti Dr Michael Spagnol, lettur fid-Dipartiment tal-Malti tal-Università fuq il-morfoloġija verbali tal-Malti.
Din se ssir l-Erbgħa, 31 ta’ Ottubru, fil-5 ta’ filgħaxija, fl-Aula Magna, l-Università l-Antika, il-Belt.
Ara t-tagħrifa kollha f’din iċ-ċirkolari.
Din is-sena jaħbat it-300 anniversarju mit-twelid tal-Kanonku Ġan Piet Franġisk Agius de Soldanis (1712-1770). Kien l-ewwel wieħed li xandar kemm felaħ fuq l-ilsien Malti u kiteb fuq l-istorja, ir-reliġjon u l-kultura tal-Maltin.
Il-wirja
Bħalissa hemm wirja Għawdex fuq de Soldanis. Qed tittella’ l-Ministeru għal Għawdex, u se ddum miftuħa sat-23 ta’ Settembru 2012. L-istess wirja se tittella’ l-Biblijoteka Nazzjonali, il-Belt, fl-okkażjoni tal-Lejl Imdawwal fid-29 ta’ Settembru u tibqa’ miftuħa sal-11 ta’ Novembru 2012.
Fil-wirja qed jiġu ppreżentati l-manuskritti ta’ de Soldanis, xi sejbiet arkeoloġiċi sbieħ li semma f’xogħlijietu, u pitturi ta’ Favray li kien semmiehom fil-grammatika u fid-dizzjunarju. Aktar tagħrif fuq il-wirja ssibu minn hawn.
Il-mappa ta’ Għawdex
Min jattendi l-wirja jista’ jixtri kopja tal-mappa dettaljata ta’ Għawdex li nsibuha maħżuża fil-volum manuskritt ta’ de Soldanis, l-Istorja ta’ Għawdex.
Ktejjeb b’xejn għall-istudenti tar-raba’ klassi tas-sekondarja
Fil-ġimgħat li ġejjin se jitnieda ktejjeb għall-istudenti tas-sekondarja fuq de Soldanis. Dan il-ktejjeb bil-kulur se jingħata b’xejn lill-istudenti li jżuru l-wirja. Barra li miktub b’mod mexxej u mżewwaq b’pitturi tal-epoka, fih ukoll it-taħriġiet. Ideali għat-tħejjija tal-eżami taċ-ĊES.
Taħdita u ktieb ġdid
F’Novembru, il-President ta’ Malta se jorganizza lejla ta’ tifkira u matulha se jitnieda ktieb bi studji ġodda fuq de Soldanis.
Intervisti u qari fuq il-YouTube
Fuq il-YouTube nfetaħ stazzjon għal Agius de Soldanis. Fih issib 40 intervista ma’ storiċi u lingwisti, l-għaxar djalogi sbieħ ta’ de Soldanis moqrija u d-daħla tad-dizzjunarju tiegħu.
Ħajr lill-Ministeru għal Għawdex, il-Libreriji Maltin, il-Heritage Malta u d-Dipartiment tal-Malti fl-Università, li qed jikkollaboraw fil-proġett. Prosit ta’ din l-inizjattiva sabiħa.
—————————-
Ara wkoll l-istqarrija tal-Ministeru għal Għawdex u xi ritratti tal-wirja (DOI) u ċ-ċirkulari maħruġa mid-Dipartiment tal-Kurrikulu u t-Tagħlim Elettroniku.
Serata ta’ mużika u qari bil-Malti b’risq id-Dar tal-Providenza
nhar il-Ħadd, 4 ta’ Novembru, mill-5.00pm sat-8.00pm
l-Istitut Kattoliku, il-Furjana.
Is-26 ta’ Settembru hu l-jum iddedikat lill-ilsna Ewropej. L-Ewropa għandha tabilħaqq teżor lingwistiku: 23 lingwa uffiċjali u iktar minn 60 komunità lokali li jitkellmu lingwa reġjonali jew minoritajra. Ma’ dawn hemm ukoll mijiet ta’ lingwi oħra mitkellma miċ-ċittadini ta’ pajjiżi u kontinenti oħra.
L-Unjoni Ewropea u l-Kunsill tal-Ewropa nedew l-inizjattiva tas-Sena Ewropea tal-Lingwi fl-2001 biex jiġbdu l-attenzjoni ta’ din ir-rikkezza lingwistika ħalli l-popli Ewropej japprezzaw il-wirt lingwistiku tagħhom u jitgħallmu aktar lingwi ġodda. Minn dakinhar, kull sena fl-Unjoni Ewropea f’dan il-jum baqgħu jitfakkru l-ilsna Ewropej kollha.
Aqra aktar fuq dan il-Jum minn hawn.
Ara wkoll dawn:
Il-lingwi uffiċjali tal-Unjoni Ewropea
Il-Jum Ewropew tal-Lingwi
Fuq talba tal-għalliema, l-Akkademja tal-Malti flimkien mal-uffiċjali edukattivi tal-Malti David Agius Muscat, George Mifsud u David Muscat, bil-kollaborazzjoni tal-kapijiet tad-Dipartiment tal-Malti tal-Iskejjel tal-Knisja, Phyllis Debono u Claire Zerafa, se jorganizzaw sessjoni oħra ta’ tweġib ta’ mistoqsijiet dwar problemi pendenti fuq l-ortografija tal-Malti.
Din se ssir fit-18 ta’ Mejju 2012, mill-5.30 sas-7.00 ta’ filgħaxija fiċ-Ċentru tal-Kurrikulu, Triq Sarria, il-Furjana, u se titmexxa mis-Sur Carmel Azzopardi.
L-għalliema tal-primarja u s-sekondarja mħeġġin jattendu u jistaqsu fuq l-ortografija Maltija. Napprezzaw ħafna jekk il-mistoqsijiet jintbagħtu minn qabel lis-Sur Azzopardi f’dan l-indirizz ħalli jkun jista’ jitkellem dwarhom dakinhar tat-taħdita. L-għalliema jistgħu jistaqsuh xi mistoqsijiet dak il-ħin ukoll. Is-Sur Carmel Azzopardi huwa l-President tal-Akkademja tal-Malti u kien għalliem tal-Malti għal ħafna snin. Huwa kittieb u jispeċjalizza fl-ortografija Maltija.
L-ewwel sessjoni saret fis-27 ta' April 2012
Kulħadd huwa mistieden jattendi u l-attendenza hija bla ħlas.
Ara wkoll it-tagħrif fuq din l-attività mill-paġna taċ-ċirkularijiet (Ċirkulari 98/2012). Għal tagħrif ieħor u għal aħbarijiet oħra dwar il-lingwa Maltija, tista’ tidħol f’dawn is-siti wkoll:
Il-blogg għall-għalliema tal-Malti tas-sekondarja fl-iskejjel tal-Knisja