Logħob Interattiv għall-Ewwel Sena tal-Primarja dwar l-ittri tal-alfabett bl-għan li l-istudenti jagħrfu l-ewwel ittra tal-kelma.
Dawn ir-riżorsi tħejjew mill-għalliema Helen Barbara.
Category Archives: Avviżi
Fehim mill-Qari u Kitba għas-6 Sena tal-Primarja
Pakkett ta’ riżorsi għall-istudenti tas-sitt sena li jindirizza l-għodod meħtieġa tal-fehim mill-qari sabiex l-istudenti jkunu kapaċi jwieġbu mistoqsijiet dwar testi varji. Dawn it-testi jservu bħala eżempju jew spunt sabiex l-istudenti jaslu biex jiktbu kitbiet bħal avviżi, istruzzjonijiet, messaġġi u djalogi. Nirringrazzjaw lil Josette Baldacchino li ħejjiet dawn ir-riżorsi.
Inħajru lill-għalliema biex barra milli jużaw dawn l-eżempji, joħolqu oħrajn tagħhom fuq l-istess linji u napprezzaw ħafna jekk jogħġobhom jgħadduhomlna biex jittellgħu f’isimhom fis-sit tal-Malti. Huma jistgħu jibagħtuhom lill-Uffiċjal Edukkativ inkarigat mill-Kulleġġ tagħhom fl-indirizz elettroniku li jinsab fl-ewwel paġna.
Mixjet il-Malti – minn Caxaro sa Aquilina
Żjara Edukattiva fil-Belt Valletta marbuta mas-sillabu tar-Raba’ Sena
Fl-okkażjoni tal-Jum Dinji tal-Ktieb, fit-23 ta’ April 2015, id-Dipartiment tal-Malti tal-Iskola Sekondarja tas-Subien tal-Ħamrun tal-Kulleġġ San Tumas More organizza żjarat fis-sede tal-Akkademja tal-Malti, fl-Arkivji Notarili u fil-Bibljoteka Nazzjonali.
Filmat dwar il-logħob Malti għall-klassijiet tal-kompetenzi ewlenin
Filmat dwar il-logħob tradizzjonali Malti, mis-Sur Adrian Vella addattat għall-klassijiet tal-kompetenzi ewelnin.
Ħadu sehem Borg Gareth, Borg Louis, Chetcuti Erika, Curmi Shaun, Ellul Jayden, Falzon David, Farrugia Maria, Tonna Francesca u Vassallo Kimberly mill-Kulleġġ San Tumas Moore.
Eżerċizzju ta’ Kitba Kreattiva mis-Sur Karl Borg.
Fl-10 ta’ April 2015, il-klassi 4.10 mill-Iskola Sekondarja tal-Bniet tal-Imrieħel (Kulleġġ Santa Tereża) attendiet għal nofstanhar ta’ taħriġ fil-kitba kreattiva mogħti mis-Sur Karl Borg. It-tema ta’ dan it-taħriġ kienet il-ħolm. Wara li l-istudenti spjegaw xi jfisser għalihom il-ħolm u kif jaffettwahom f’ħajjithom, kitbu 2 poeżiji waħda bl-isem Il-Ħolm u l-oħra L-Għanja taż-Żgħożija. Fir-ritratti jidhru l-istudenti matul it-taħriġ, waqt li xogħol l-istudenti jista’ jinqara jekk wieħed jikklikkja l-ħoloq t’ hawn taħt.
