L-Irrakkontar tal-Istejjer u t-Tfal iż-Żgħar (Preżentazzjoni)

Ħajr lill-għalliema Josette Bezzina mill-Iskola Primarja ta’ Birżebbuġa (Kulleġġ San Benedittu) talli għoġobha taqsam magħna ftit ideat fuq kif użat it-taqbila tradizzjonali “Il-Pupa Tiegħi” waqt il-lezzjonijiet kumplimentari tal-Malti.

Din ir-riżorsa ssibuha fit-taqsima tar-Riżorsi tat-Tieni Sena.

Fis-26 ta’ Jannar 2010 ltqajna mal-ġenituri fl-iskola primarja ta’ San Ġwann. Tħadditna magħhom fuq l-aħħar aġġornamenti tar-regoli tal-ortografija tal-Malti.

Ħadna pjaċir bl-interess li wrew dawn il-ġenituri biex huma wkoll ikunu jafu dawn ir-regoli ħalli jkunu jistgħu jgħinu aħjar lil uliedhom.

L-għalliema tagħna qed ikomplu jkunu mħarrġin mid-Direttorat għal Kwalità u Standards fl-Edukazzjoni fuq ir-regoli tal-ortografija maħruġin mill-Kunsill Nazzjonali tal-Ilsien Malti.

Dawn huma ż-żewġ preżentazzjonijiet li qed ikunu murija u diskussi waqt dawn is-sessjonijiet:

1. It-Triq lejn id-Deċiżjonijiet 1

2. Ir-Regoli l-ġodda mfissra

Aqra aktar dwaru mill-artiklu ta’ Annabel Desira – għalliema tal-Malti u t-Taljan fil-Kulleġġ San Albert il-Kbir.

L-artiklu deher fir-rivista Resources Nru 37, Frar 2010.