Category Archives: Avvenimenti
Il-Fiera Nazzjonali tal-Ktieb 2010
Il-Fiera Nazzjonali tal-Ktieb din is-sena se ssir bejn l-10 u l-14 ta’ Novembru 2010 f’Dar il-Mediterran, il-Belt.
Il-Fiera hi organizzata mill-Kunsill Nazzjonali tal-Ktieb u d-Dipartiment tal-Libreriji u ilha ssir mis-sebgħinijiet tas-seklu għoxrin. Il-Fiera llum saret parti importanti mill-kalendarju kulturali Malti u qed iżuruha ’l fuq minn 18,000 ruħ kull sena.
Il-Programm
L-Erbgħa 10 ta’ Novembru
19.30 – Bronk iniedu l-ktieb ta’ Staqsi lir-Riħ ta’ Salv Sammut
Il-Ħamis 11 ta’ Novembru
19.15 – Horizons iniedu l-ktieb Il-Lejl tal-Irġulija ta’ Sergio Grech.
Il-Ġimgħa 12 ta’ Novembru
19.30 – Merlin Library Ltd iniedu l-ktieb Penumbra ta’ Trevor Żahra
Is-Sibt 13 ta’ Novembru
10.30 u 11.30 – Preżentazzjoni minn Birdlife Malta
16.30 – Librerija Preca tippreżenta numru ta’ pubblikazzjonijiet tagħha.
20.00 – Merlin Library Ltd jippreżentaw Tset-sik
Il-Ħadd 14 ta’ Novembru
10.30 – Franny Jo Publications u Kottoner Media jippreżentaw Manwel Dimech fi Kliemi ta’ Mark F. Montebello
14.00 – Preżentazzjoni minn Birdlife Malta
15.00 – Preżentazzjoni minn Birdlife Malta
16.00 – Preżentazzjoni minn Birdlife Malta
18.00 – Librerija Preca tippreżenta Perichoresis – A Meditation on the Icon of Our Lady of Damascus ta’ Peter Serracino Inglott.
Id-dħul għall-fiera hu mingħajr ħlas.
Il-Fiera se tiftaħ kif ġej:
L-Erbgħa 10 ta’ Novembru: Mid-9.00 a.m. sas-1.30 p.m. u mill-5.00 p.m. sad-9.00 p.m.
Il-Ħamis 11 ta’ Novembru: Mid-9.00 a.m. sas-1.30 p.m. u mill-5.00 p.m. sad-9.00 p.m.
Il-Ġimgħa 12 ta’ Novembru: Mid-9.00 a.m. sas-1.30 p.m. u mill-5.00 p.m. sal-10.00 p.m.
Is-Sibt 13 ta’ Novembru: Mid-9.00 a.m. san-12.30 p.m. u mill-4.00 p.m. sal-10.00 p.m.
Il-Ħadd: Il-Fiera tiftaħ il-jum kollu, mingħajr għeluq.
Min hu interessat jista’ wkoll jakkwista l-katalgu li fost l-oħrajn fih kontribuzzjonijiet interessanti minn Charles Casha, Sergio Grech, Olvin Vella, William Zammit u Trevor Żahra.
Għal dawk li jaqtgħu qalbhom li jimxu sa Dar il-Mediterran, hemm it-trasport ipprovdut, bi ħlas, mill-venda ta’ Bieb il-Belt.
Is-Siegħa tal-Kittieba
Din hi sensiela ta’ intervisti diretti ma’ għaxar kittieba.
Post: Is-Sala tal-Mużika tal-Kavallier ta’ San Ġakbu. Id-dħul huwa b’xejn.
Ħin: Kull intervista tibda fis-7.30pm u ddum siegħa.
L-Iskeda tas-Sigħat
14-10-10 ĠORĠ BORG
28-10-10 JOE FRIGGIERI
11-11-10 ĠUŻI GATT
25-11-10 SIMONE INGUANEZ
09-12-10 OLIVER FRIGGIERI
20-01-11 LINA BROCKDORFF
03-02-11 TREVOR ŻAHRA
17-02-11 ALFRED SANT
03-03-11 WALID NABĦAN
10-03-11 VICTOR FENECH
Konferenza fuq il-Qari ta’ Qabel l-Irqad
Il-Kunsill Nazzjonali tal-Ktieb se jorganizza konferenza ta’ jum dwar il-Qari qabel l-Irqad (Bedtime Reading) nhar is-Sibt 23 ta’ Ottubru, 2010 fil-Lukanda Excelsior, il-Furjana.
Il-konferenza se tkun indirizzata minn bosta kelliema minn diversi oqsma u għandha l-għan li tinforza l-importanza ta’ dan is-suġġett.
Il-Kunsill min-naħa tiegħu, permezz tal-Konferenza se jkun qed iniedi programm ta’ attivitajiet mifruxa fuq tliet snin fejn jidħol il-qari qabel l-irqad.
Il-Konferenza hi miftuħa għal dawk kollha li għandhom għal qalbhom il-qari u jixtiequ jħeġġu din il-kultura sabiħa.
Dawk interessati li jieħdu sehem huma mitluba jimlew il-formola li tinkiseb mill-indirizz elettroniku info@ktieb.org.mt. Din għandha tintbagħat flimkien ma’ ħlas ta’ €10. Iċ-ċekkijiet għandhom jinkitbu fuq il-‘Kunsill Nazzjonali tal-Ktieb’. Il-prezz tal-ikel se jkun issussidjat. Mill-istess indirizz elettroniku wieħed jista’ jikseb iktar tagħrif kif ukoll il-programm sħiħ tal-konferenza.
Kors ta’ aġġornament 2010
Wara s-suċċess miksub sentejn ilu bl-ewwel kors ta’ aġġornament ikkoordinat mill-Uffiċjal Edukattiv David Agius Muscat u mmexxi bi sħab mal-Kunsill Nazzjonali tal-Ilsien Malti, din is-sena applikaw 44 għalliem għal dan il-kors volontarju.
Din is-sena l-kors se jiffoka fuq l-aġġornament tal-grammatika, ir-riżorsi marbutin mal-proġett tal-lingwa, it-tħaddim tal-Malti bil-kompjuter u taħriġ fl-ortografija.
Il-materjal b’rabta mat-taqsima fuq il-Malti u l-kompjuter (tal-Ħamis) issibu hawn:
Fil-qosor:
Kors Volontarju ta’ Aġġornament tal-Malti għall-Għalliema (V 35/10)
L-Użu tal-Malti fil-Kompjuter u Aġġornament tat-Tagħlim tal-Morfoloġija, l-Ortografija u l-Istorja tal-Lingwa
POST: Iċ-Ċentru tal-Konferenzi Mikiel Anton Vassalli, Sala A, l-Università, l-Imsida
DATI: Is-7, it-8 u d-9 ta’ Lulju 2010
ĦIN: 8.30 am – 12.30 pm