Minn Olvin Vella

Skont ir-regoli l-ġodda, <Mtarfa> u <Mdina> bl-artiklu jinkitbu <l-iMtarfa> u <l-iMdina>?

Le. Għandna nibqgħu niktbu <l-Imtarfa> u <l-Imdina>.

Ir-regoli jgħidu biss li meta isem xjentifiku (ara Deċiżjonijiet 1, 2.4) jew isem ta’ prodott (ara Żieda, Ċ 11 (ċ)) jieħu l-vokali tal-leħen fuq quddiem, jibqa’ jinkiteb b’ittra kbira, ngħidu aħna <l-iStegosaurus>, <l-iStromatopteris>, <l-iSprite> u <l-iStergene>.

Imma l-ismijiet Maltin tal-postijiet jibqgħu jinkitbu bħal qabel: <l-Imtarfa>, <l-Imdina>.