Sensiela ta’ preżentazzjonijiet dwar in-numri li jistgħu jintużaw ukoll bħala leħħiet mill-għalliema. Dawn jinkludu n-numri miż-żero sal-miljun kif ukoll xi mudelli biex it-tfal jiktbu n-numri sew. Nirringrazzjaw lil Josette Baldacchino li ħejjiet dawn ir-riżorsi.
Il-Ministeru għall-Edukazzjoni u x-Xogħol bi pjaċir iħabbar it-tielet edizzjoni tal-Premju Frans Sammut. Dan il-Premju jingħata kull sena lil dawk il-persuni, skejjel u entitajiet privati, istituzzjonijiet governattivi jew mezzi tax-xandir li juru li fil-komunikazzjoni verbali, bil-kitba u elettronika jinqdew bl-ilsien Malti b’mod eżemplari, kreattiv u innovattiv.
Il-Premju jinqasam fi tliet kategoriji:
Kategorija A: Għal individwi minn erbatax-il sena ’l fuq minn kull qasam tal-ħajja.
Kategorija B: Għal skejjel statali, tal-knisja u privati, u entitajiet oħra edukattivi.
Kategorija Ċ: Għall-entitajiet, fosthom għaqdiet volontarji, kunsilli lokali, kumpaniji privati, istituzzjonijiet governattivi, fondazzjonijiet, koperattivi u l-bqija.
Il-premjijiet huma ta’ €1500, €1000 jew €500 f’kull kategorija.
L-għalliema issa jistgħu jużaw ir-riżorsi tas-smigħ bl-aħjar mod possibbli. Dan il-għaliex qed nipprovdu s-siltiet u l-mistoqsijiet irrekordjati. Nirringrazzjaw lil dawk kollha talli taw sehemhom biex stajna nirrekordjaw dawn is-siltiet. Dawn jinsabu fis-sezzjoni Siltiet Irrekordjati għas-Smigħ. (Biex tisma’ s-siltiet mingħajr il-bżonn li tniżżilhom fil-kompjuter uża l-Google Chrome jew il-Internet Explorer)
Agħżel il-ĦażinaSett ta’ Riżorsi ta’ Taħriġ fl-Ortografija għall-Ħames Sena. Dawn ir-riżorsi jmorru id f’id mal-Kartelluni b’Tagħrif Ortografiku mtellgħin fis-sit riċentament. Nirringrazzjaw lil Josette Baldacchino li ħejjiet dawn ir-riżorsi.
Dawn ir-riżorsi jmorru id f’id mal-Kartelluni b’Tagħrif Ortografiku mtellgħin fis-sit riċentament. Nirringrazzjaw lil Josette Baldacchino li ħejjiet dawn ir-riżorsi.