Din is-sena, il-Finali tal-Kompetizzjoni tal-Malti għar-raba’ sena tal-primarja saret it-Tnejn, 13 ta’ Mejju 2024, il-Palazz tal-Inkwiżitur, il-Birgu.

Ir-rebbieħa kienu:

Kategorija A: Skola Primarja taż-Żejtun
Kategorija B: Skola Primarja taż-Żejtun
Kategorija Ċ: Skola Primarja ta’ Ħal Tarxien

Il-Premjijiet lill-parteċipanti u r-rebbieħa ngħataw bi sħab bejn il-Ministeru tal-Edukazzjoni, BDL Books u Merlin Publishers. 

Din il-kompetizzjoni kienet organizzata bejn id-Dipartiment tal-Malti fil-Ministeru tal-Edukazzjoni u l-Għaqda tal-Malti – Università.

Attività tas-smigħ u l-kitba  fuq ir-Rebbiegħa li tolqot il-kisbiet tas-Smigħ u l-Kitba:

K7: Nisma’ u nagħraf eżempji ta’ rima u onomatopea f’testi mismugħa,
K8: Nisma’ u nsegwi poeżiji, u nislet minnhom waħdi s-suġġett u nqabblu u ninterpretah skont u mal-esperjenzi tiegħi,
K10: Naf inkun parti minn udjenza li tisma’, tifhem u tipparteċipa
K7: Nikteb taqbiliet u poeżiji sempliċi ta’ strofa waħda jew aktar.

Nirringrazzjaw lil Stefan Borg u lil Josette Baldacchino li ħejjew din ir-riżorsa.

Riżorsi għall-Ħames Sena tal-Primarja b’rabta mal-kisba K4 tal-Qari fejn l-istudenti jitgħallmu dwar il-karatteristiċi ewlenin tal-komiks u kif għandhom jiktbu kepxins f’din it-tip ta’ kitba. Dawn ir-riżorsi jinkludu dokument ta’ informazzjoni għall-għalliema, preżentazzjonijiet u karti tat-taħriġ. Nirringrazzjaw lil Josette Baldacchino li ħejjiet dawn ir-riżorsi.

Pakkett ta’ riżorsi għall-għalliema tas-sitt sena li jinkludu kampjun ta’ skema ta’ xogħol bit-tema tax-xogħlijiet u s-snajja’ u r-riżorsi marbutin magħhom. Dawn jinsabu fil-paġna tas-sillabu tas-sitt sena taħt Skema ta’ xogħol għas-Sitt Sena bit-Tema – Ix-xogħlijiet u s-snajja’. Nirringrazzjaw lil Josette Baldacchino li ħejjiet dawn ir-riżorsi.