Riżorsi tas-smigħ għall-istudenti barranin tas-sekondarja kif ukoll karti tat-taħriġ. Nirringrazzjaw lil Josette Baldacchino li ħejjiet dawn ir-riżorsi.

Sensiela ta’ preżentazzjonijiet dwar in-numri li jistgħu jintużaw ukoll bħala leħħiet mill-għalliema. Dawn jinkludu n-numri miż-żero sal-miljun kif ukoll xi mudelli biex it-tfal jiktbu n-numri sew. Nirringrazzjaw lil Josette Baldacchino li ħejjiet dawn ir-riżorsi.

Il-Ministeru għall-Edukazzjoni u x-Xogħol bi pjaċir iħabbar it-tielet edizzjoni tal-Premju Frans Sammut. Dan il-Premju jingħata kull sena lil dawk il-persuni, skejjel u entitajiet privati, istituzzjonijiet governattivi jew mezzi tax-xandir li juru li fil-komunikazzjoni verbali, bil-kitba u elettronika jinqdew bl-ilsien Malti b’mod eżemplari, kreattiv u innovattiv.

Il-Premju jinqasam fi tliet kategoriji:
Kategorija A: Għal individwi minn erbatax-il sena ’l fuq minn kull qasam tal-ħajja.
Kategorija B: Għal skejjel statali, tal-knisja u privati, u entitajiet oħra edukattivi.
Kategorija Ċ: Għall-entitajiet, fosthom għaqdiet volontarji, kunsilli lokali, kumpaniji privati, istituzzjonijiet governattivi, fondazzjonijiet, koperattivi u l-bqija.

Il-premjijiet huma ta’ €1500, €1000 jew €500 f’kull kategorija.

Bi pjaċir nixtiequ ngħarrfu lill-għalliema tal-Malti tal-iskejjel medji u sekondarji li nhar il-Ħadd, 3 ta’ Lulju 2016, fl-10:00 ta’ filgħodu, fl-Istitut tal-Arti Kreattiva tal-Kulleġġ Malti għall-Arti, ix-Xjenza u t-Teknoloġija, il-Mosta, l-istudenti tal-Istudji tal-Media, immexxija mis-Sur Ian Attard se juru għall-ewwel darba tnax-il film ta’ kanzunetti popolari Maltin, jiġifieri:

1. Kieku Taf ta’ Corazon Mizzi
2. L-Ewlieni ta’ Danika Muscat
3. Pupa ta’ Denise Spiteri
4. Lupu ta’ Denise Spiteri
5. Imħabba f’Kemmuna ta’ Frank O’Neil
6. Ħdejk ta’ Joseph Refalo
7. Baħħar ta’ Kantilena
8. Jien ma Naħdimx ta’ Karen Debattista
9. Għal Dejjem ta’ Marie Claire Attard Bason
10. Fejn Marru t-Tfal ta’ Michela Galea
11. L-Aħħar Bidwi f’Wied il-Għasel ta’ Sammy Bartolo u n-New Cuorey
12. Kemm hu Sabiħ ta’ Sammy Bartolo u n-New Cuorey

Għal tagħrif dwar il-kitba ta’ kliem Ingliż fil-Malti, ikklikkja: Lejn id-Deċiżjonijiet 2