Il-Kitba tal-Ittri Elettroniċi u l-Ittri Stampati (K9)
Preżentazzjoni u taħriġ dwar kif jinkitbu l-ittri stampati u l-ittri elettroniċi kif mitlub fil-ħila tal-kitba tal-ħames sena tal-primarja (K9). Nirringrazzjaw li Josette Baldacchino li ħejjiet dawn ir-riżorsi.
L-Assimilazzjoni fil-Bidu u n-Nofs tal-Kelma
Preżentazzjoni u taħriġ dwar l-assimilazzjoni fil-bidu u n-nofs tal-kelma tan-nomi u l-verbi għall-Ħames Sena tal-Primarja. Nirringrazzjaw lil Josette Baldacchino li ħejjiet dawn ir-riżorsi.
Riżorsi tal-Grammatika għall-Ħames Sena tal-Primarja. Dawn jinkludu preżentazzjoni dwar il-prepożizzjonijiet quddiem il-konsonanti xemxin, preżentazzjoni dwar meta għandna niktbu prepożizzjoni bl-artiklu jew mingħajru u taħriġ. Nirringrazzjaw lil Josette Baldacchino li ħejjiet dawn ir-riżorsi.
Riżorsi tal-Grammatika għall-5 Sena tal-Primarja li jinkludu preżentazzjoni, taħriġ u logħob dwar il-konġunzjonijiet. Nirringrazzjaw lil Josette Baldacchino li ħejjiet dawn ir-riżorsi.
Taħriġ għall-Bord Interattiv: (StarBoard) Poġġi l-kliem fil-post it-tajjeb. (Maria Victoria Bonanno) u Karta tat-Taħriġ li taqbel ma’ din ir-riżorsa.
Għan tar-Riżorsa: L-istudenti jirrevedu d-differenza li hemm bejn il-pożittiv u l-komparattiv.
Deskrizzjoni tal-Attività: L-istudenti jridu jċaqalqu r-risposti li jinsabu fuq il-lemin tal-paġna lejn is-sentenza li taqbel magħha.
‘Pollina Tingħaqad mal-Annimali’ hija storja diġitali dwar id-diversità. Pollina l-pantera ma tkunx aċċettata mill-annimali l-oħra tal-ġungla għax ma kinux imdorrijin jaraw bħalha. L-annimali kollha kienu jwarrbuha u jħarsulha bl-ikrah. Dan il-ktieb huwa maħsub għat-tfal tas-Sitt Sena tal-Primarja u tinkludi magħha sitt attivitajiet.
‘Pinu jżomm ruħu nadif’ hija storja elettronika fuq xadin li ma kienx iħobb jinħasel. Bis-saħħa ta’ Żaqqinu s-serp, Pinu jinbidel u jsir nadif u f’saħħtu. L-istorja hija maħsuba għat-tfal tas-Snin Bikrin u tinkludi magħha eżerċizzju u logħba.
‘Mill-Ħajja ta’ Ċiko’ huwa ktieb diġitali maqsum f’erba’ stejjer. Ċiko, kelb ċkejken ta’ lewn kannella, dejjem jagħmel xi waħda tinkiteb! L-istejjer huma maħsuba għat-tfal tar-Raba’ Sena tal-Primarja u jinkludu magħhom ħames attivitajiet u għodda li biha l-istudenti jistgħu jirrekordjaw leħinhom biex wara jużawh fir-rakkont.
‘Nenu n-nemlu’ ta’ Doreen Scerri hija storja diġitali dwar l-importanza li wieħed jikkuntenta b’dak li jkollu. Nenu n-nemlu kien jgħix ma’ ommu u ħutu f’toqba fil-ħajt, maġenb il-kċina ta’ Bertu. Hu kien jgħaddi ġranet sħaħ jitgħażżen u dejjem jilmenta li ma riedx jaħdem aktar. Ommu ta’ spiss kienet twissih li min jorqod ma jaqbadx ħut! Imma Nenu baqa’ jwebbes rasu u darba ħajtu kienet se tinbidel minn lejl għal nhar. Dan il-ktieb huwa maħsub għat-tfal tar-Raba’ Sena tal-Primarja u jinkludi miegħu sitt attivitajiet.
Din l-Applikazzjoni tikkonsisti minn 6 stejjer b’40 paġna l-waħda u studji oħra bil-Malti (L-artiklu eċċ). Applikazzjoni edukattiva, interattiva u ta’ gost għat-tfal bi premjijiet għal kull storja li jaqraw!
Dawra mar-Razzett – Ħarsa ħafifa lejn l-annimali tar-razzett, il-ħsejjes li jagħmlu u xi ftit eżerċizzji bil-Malti.
‘Il fuq minn 700+ ħwejjeġ moħġaġa kemm antiki kif ukoll moderni għalikom biex taqtgħu x’inhuma!
App għat-tfal biex jitgħallmu jiktbu l-ittri bil-Malti u n-numri minn fuq it-tablets!
Għodda biex titgħallem tikteb bil-Malti. Rebbieħa tal-Aqwa App fil-MCA eBusiness Awards 2017
1. Riżorsa Interattiva (ActivInspire) għat-tagħlim ta’ vokabularju bażiku u frażijiet sempliċi għat-3 Sena tal-Primarja (Louise Grech Abela).
2. Taħriġ interattiv (StarBoard) għat-tagħlim tal-ħin għar-4 Sena tal-Primarja (Joanne Vella Falzon).
3. Riżorsa Interattiva (StarBoard) għat-tagħlim ta’ vokabolarju marbut mal-iskola għas-7 Sena (Maureen Zammit).
4. Riżorsa Interattiva (StarBoard) għat-tagħlim ta’ vokabolarju marbut mad-dar għat-8 Sena (Stephanie Sciberras).
